Carteis obras “Trazos nas Táboas”

Mostrámoslles os carteis das 2 obras que se represetarán no evento “Trazos nas Táboas” nas instalacións da Escola Municipal de Teatro (Avenida de Castelao, 87 – interior)

*Venres 26 de abril ás 20:30 horas: “ESTRIBILLO” e “AS FIANDEIRAS”

*Sábado 27 de abril ás 20:30 horas: “ESTRIBILLO” e “AS FIANDEIRAS”

Para conseguir as invitacións, pódense recoller na oficina da EMT a partir do luns 22 de abril ata o xoves 25 de 17:15 a 20:30 horas ou media hora antes o día do espectáculo. Tamén é posible reservar no teléfono 986 485 324 ou mediante correo electrónico, na dirección em.teatro@vigo.org

Día Mundial do Teatro 2019

O 27 de marzo celébrase en todo o mundo “O Día Mundial do Teatro”. Con tal motivo, a Escola Municipal de Teatro de Vigo organiza un acto que terá lugar o martes 26 de marzo, ás 19:00, no Auditorio do Concello de Vigo, e consistirá nunha mostra de diversas escenas representadas por alumnado da escola.

Ao comezo deste acto lerase a mensaxe internacional do Día Mundial do Teatro, o autor é o director de escena, dramaturgo, educador teatral e profesor cubano Carlos Celdrán.

Programación Día Mundial do Teatro 2019

Entroido 2019

Durante o Entroido, a Escola Municipal de Teatro de Vigo desenvolverá diferentes actividades para animar esta celebración. En todas elas contaremos co acompañamento da Escola Municipal de Música Folk e Tradicional (ETRAD).

Para levar a cabo as dúas animacións que se detallan a continuación, solicitamos a colaboración do alumnado, familiares, amigos e antigos alumnos.

  1. O martes 5 de marzo realizarase a queima do Meco. Para este evento deberase estar ás 22:00 na praza da Constitución para acompañalo ata a Porta do Sol, onde terá lugar a súa incineración aproximadamente ás 22:30. A intención é crear un ambiente funerario e por iso o único requisito é levar unha indumentaria tétrica (vestir un traxe de morte, esqueleto, zombi…)

Unha vez queimado o Meco, outra animación depositará as súas cinzas no seu ataude. A idade mínima para participar é 9 anos e os menores de 16 anos deberán ir acompañados dun familiar adulto.

  1. Por último, o mércores 6 de marzo deberase estar ás 18:00 xa que ás 18:30 procederase co enterro do Meco. Neste caso, búscase crear un ambiente de velorio e realizarase unha comparsa de llorones e lloronas, do mesmo xeito que en anos anteriores. O percorrido será rúa Príncipe – Colón – Policarpo Sanz – Porta do Sol.

A idade mínima para participar é 4 anos e os menores de 16 anos deberán ir acompañados dun familiar adulto.

As persoas interesadas en participar en todas ou nalgunha das actividades, poden apuntarse na secretaría da escola a partir do xoves 14 de febreiro ata o xoves 28 de febreiro. Realizarase un ensaio onde explicaremos en detalle a organización e resolveremos dúbidas.